Сказа́нїе къ солꙋ́нѧнѡмъ пе́рвагѡ посла́нїѧ ст҃а́гѡ а҆пⷭ҇ла па́ѵла.

Сїѐ посыла́етъ ѿ А҆ѳи́нъ, ви́дѣвъ и҆̀хъ пре́жде, и҆ пожи́въ oу҆ ни́хъ. Вина́ же посла́нїѧ сїѧ̀: а҆пⷭ҇лъ мно́ги скѡ́рби претерпѣ̀ въ ве́рїи, и҆ въ Фїлı́ппѣхъ, Македо́нїи, и҆ въ Корı́нѳѣ. Ѣ́дый же Є҆ли̑ка пострада̀ и҆ въ Ѳессалонїкı́и, и҆ Боѧ́сѧ, да не ка́кѡ слы́шавше Ѳессалонїкı́ане, Є҆ли̑ка пострада̀ въ предрече́нныхъ гра́дѣхъ, и҆скꙋше́ни бꙋ́дꙋтъ ѿ и҆скꙋша́ющагѡ Сатаны̀, и҆ соблазнѧ́тсѧ. Є҆ще́ же oу҆вѣ́дѣвъ, ꙗ҆́кѡ҆ ѡ҆ oу҆мира́ющихъ безмѣ́рн ѡ скорбѧ́тъ, посыла́етъ Тїмоѳе́а къ ни́мъ съ посла́нїемъ си́мъ. И҆ пе́рвѣе oу҆́бѡ oу҆твержда́етъ и҆̀хъ въ вѣ́рѣ, ꙗ҆́кѡ не поколеба́тисѧ и҆̀мъ скорбе́й ра́ди: и҆ ничто́же стра́нно пострада́вшымъ мнѣ́ти ии҆̀мъ ѿ І҆ꙋдє́й, и҆̀же и҆ гдⷭ҇а oу҆би́ша. Хрⷭ҇тїа́нѡмъ бо сво́йственно є҆́сть, є҆́же скѡ́рби терпѣ́ти къ житїѝ се́мъ, глаго́летъ. Мно́гими же завѣща́въ и҆̀мъ си́це, ꙗ҆́коже прїѧ́ша ѿ негѡ̀, та́кѡ жи́тельствовати, пи́шетъ про́чее ѡ҆ oу҆мира́ющихъ, oу҆тѣша́ѧ и҆̀хъ и҆ oу҆чѧ̀, не вельмѝ скорбѣ́ти: нѣ́сть бо сме́рть поги́бель, но пꙋ́ть къ воскрⷭ҇нїю. Та́же и҆ ѡ҆ лѣ́тѣхъ и҆̀хъ oу҆чи́тъ, да безвѣ́стенъ де́нь вѣ́дѧще, вы́нꙋ гото́ви быва́ютъ, и҆ да ни є҆ди́номꙋ внима́ютъ вѣща́ющемꙋ ѡ҆ не́мъ: бы́ти бо речѐ прише́ствїю та́кѡ, ꙗ҆́кѡ ѡ҆ста́вшымъ и҆ ѡ҆брѣта́ємымъ въ де́нь ѻ҆́нъ живы̑мъ, не предвари́ти востаю́щыѧ ѿ ме́ртвыхъ, вкꙋ́пѣ бо бы́ти всѣ́хъ премѣне́нїю oу҆чи́тъ. Къ си́мъ же завѣщава́ѧ и҆̀мъ лꙋ́чшымъ быва́ти во ѻ҆бы́чаехъ, повелѣва́етъ и҆̀мъ всегда̀ ра́доватисѧ ѡ҆ oу҆пова́нїи, и҆ моли́тисѧ и҆ благодари́ти и҆̀мъ всегда̀ гдⷭ҇ви, и҆ заклина́етъ и҆̀хъ прочита́ти посла́нїе сїѐ пред̾ все́ю бра́тїею, и҆ си́це скончава́етъ є҆̀. (л. р҃ѻ ѡ҆б.)